XXX Campionato de España de Pista Cuberta Máster

Durante este fin de semana a Pista Cuberta de Expourense dará acollida á celebración do XXX Campionato de España de Pista Cuberta Máster na que tomarán parte un total de 1673 atletas inscritos en representación de 17 Comunidades Autónomas.

A esta ciita acoden os mellores atletas máster do momento moitos dos cales posúen un brillante curriculum deportivo internacional o que sen dúbida converterá a Ourense durante este fin de semana no foco de atención nacional.

En canto ao número de inscritos, Madrid é a Comunidade que aportará mais atletas cun total de 347 seguida de Galicia con 300 sendo Cataluña con 178 a terceira en número.

Pola instalación calcúlase que pasen durante os tres días do campionato, preto de 5.000 persoas entre atletas, persoal técnico, público e acompañantes o que obrigou á organización a traballar de xeito moi intenso na planificación do evento. Recordamos que nesta mesma pista cuberta, que sería inaugurada a finais do 2017, xa se celebraría a tempada pasada con notable éxito un Campionato de España Sub20 aínda que, a complejidad deste campionato (tanto polo gran volume de atletas como de categorías) supoñerá un novo e importante reto para o comité organizador.

Ourense agarda xa aos atletas máster, mirando de reojo do mesmo xeito, á outra gran cita como é a organización do Campionato de España Absoluto a próxima tempada.