- Manterase o horario habitual e sen cita previa, pero respectando o límite de aforo do 50%
O Pavillón de Deportes de Os Remedios volverá abrir as súas portas a partir do día 1 de marzo no seu horario habitual. Non será preciso sacar cita previa, salvo nas actividades dirixidas, pero o aforo estará limitado segundo indiquen as normas sanitarias ditadas pola Xunta de Galicia que, nestes momentos, é do 50%, tanto no interior da instalación como en cada un dos espazos deportivos.
Os usuarios que queiran facer uso das instalacións terán que activar as súas tarxetas a través da páxina web do Consello Municipal de Deportes, www.ourensedeportes.com, ou a través do enderezo de correo electrónico: info@deportesourense.com
O protocolo de uso das instalacións, neste novo período de apertura, comunicarase oficialmente cando se dispoña da norma legal que así o ampare, pendente a día de hoxe de publicación.